Superliga e Shqipërisë nis edicionin e saj të ri me super ndeshjen midis Kukësit dhe Partizanit në “Elbasan Arena”.

Kryendeshja do të zhvillohet të premten më datë 23, në orën 19:00 dhe duke qenë se hap kampionatin, FSHF ka menduar që të bëjë edhe një ceremoni zyrtare para fillimit të saj.

Ditën e sotme, është klubi i Kukësit që ka publikuar edhe çmimet e biletave për sektorët e stadiumit në “Elbasan Arena”.

Kështu, një biletë në tribunën VIP do të kushtojë 1000 lekë të reja, ndërkohë që drejtuesit kanë vendosur se në çdo sektor tjetër, bileta do të jetë e njëjtë, me çmimin 500 lekë të reja.

Vetëm tri ditë më parë skuadrat luajtën në të njëjtin stadium takimin e vlefshëm të Superkupës së Shqipërisë, që u fitua nga të kuqtë me shifrat 4-2 pas kohës shtesë.