Edoardo Reja vazhdon të përflitet si njeriu i cili do të marrë drejtimin e Kombëtares shqiptare.
Duket se vizita në stadiumin “Loro Boriçi” është pasuar me kontakte të tjera me FSHF-në dhe negociata intensive.
Tekniku italo-slloven konfirmoi edhe personalisht se nëse do të pranojë pankinën e Shqipërisë, këtë do ta mësojmë vetëm të martën.
“Kam folur me Federatën Shqiptare të Futbollit dhe kam marrë 24 orë kohë për të vendosur. Do të varet shumë nga rezultati i kombëtares me Andorrën dhe nëse do të pranoj këtë detyrë, këtë do ta mësoni të martën”.
Trajneri që ka një karrierë 40-vjeçare në pankinë, dha mendimin e tij edhe për disiplinën e kërkuar me forcë nga trajneri i shkarkuar Cristian Panucci.
“Vonesa e Strakoshës është diçka që mund të qëndrojë. Pashë që për këtë, ai mori një ndëshkim të ekzagjeruar”, tha ndër të tjerash Reja.
© SYRI.net
Bëje LIKE dhe merr lajmin e fundit nga Sporti: