Chelsea kanë qenë një nga ekipet më aktive në merkaton e janarit.

‘Blutë’ e Londrës kanë paguar mbi 60 milionë euro për anësorin e Borussia Dortmund, Christian Pulisic, të cilin e kanë huazuar menjëherë te skuadra gjermane deri në fund të sezonit.

Transferimi i Pulisic mund të mos jetë transferimi i vetëm i Chelseas gjatë kësaj merkatoje.

‘The Sun’ shkruan se skuadra e Sarrit është në bisedime me shumë lojtarë, ku përmenden 5 emra potencial për t’u transferuar në ‘Stamford Bridge’.

Elseid Hysaj, Mats Hummels, Nicolo Barella, Mauro Icardi dhe Gonzalo Higuain janë emrat që mund t’i bashkohen Chelseas.

Transferimi i këtyre emrave, do të shndërronte Chelsean një skuadër të papërmbajtshme, e cila do të rikthehej në garën për titull në Premier League.