SYRI TV/ Amortizimi i rrugës 'Lekë Dukagjini' në Shkodër, qytetarët kërkojnë reagim nga bashkia

Amortizimi i rrugës “Lekë Dukagjini” në lagjen “Vojo Kushi” në Shkodër është kthyer në një shqetësim serioz për banorët, për shkak të gropave dhe mungesës së ndërhyrjes prej vitesh. Qytetarët kërkojnë reagim nga bashkia, duke theksuar se rruga ndodhet në qendër të qytetit dhe pavarësisht pagesës së rregullt të taksave, është lënë në harresë.

SYRI TV

Amortizimi i rrugës “Lekë Dukagjini” në lagjen “Vojo Kushi” në qytetin e Shkodrës është kthyer në një shqetësim serioz për banorët e zonës.

Gropat e shumta dhe dëmtimi i asfaltit e bëjnë të vështirë lëvizjen e këmbësorëve dhe automjeteve, duke rritur rrezikun për aksidente dhe dëmtime.

Sipas qytetarëve kjo rrugë ndodhet në këtë gjendje prej vitesh pa asnjë ndërhyrje konkrete nga institucionet përgjegjëse.

Banorët shprehen se, pavarësisht se paguajnë rregullisht taksat dhe detyrimet vendore, problematika mbetet e pazgjidhur.

Rruga “Lekë Dukagjini” ndodhet në një nga zonat qendrore të qytetit të Shkodrës. Megjithatë, banorët thonë se ajo duket e lënë në harresë të plotë nga Bashkia e Shkodrës.

Ata kërkojnë një ndërhyrje të menjëhershme për rehabilitimin e rrugës, duke theksuar se infrastruktura urbane duhet të jetë prioritet për një qytet me rëndësi historike dhe kulturore si Shkodra.