E shtuna me mot të qëndrueshëm, parashikimi për sot

Vendi ynë këtë të shtunë do të ndikohet nga kushte atmosferike të qëndrueshme, duke sjellë një ditë tipike vere me kthjellime dhe vranësira kalimtare në disa zona të vendit.

Sipas parashikimeve meteorologjike, moti do të mbetet kryesisht i kthjellët gjatë pjesës më të madhe të ditës, duke ofruar kushte të favorshme për aktivitete në natyrë dhe pushime buzë detit.

Era do të fryjë me drejtim verilindje – veriperëndim me shpejtësi mesatare rreth 6 m/s, ndërsa përgjatë vijës bregdetare dhe në zonat luginore pritet që herë pas here të arrijë deri në 12 m/s, duke sjellë një ndjesi më të freskët sidomos në orët e pasdites.

Në përgjithësi, e shtuna paraqitet me mot të qëndrueshëm dhe pa reshje shiu, duke vijuar me kushtet tipike verore në të gjithë territorin e vendit.