Vajza të moshave të ndryshme me nacionalitete të ndryshme vijnë në Shqipëri për të ushtruar prostitucion.
Ata hyjnë në vendin tonë si turiste dhe kur mbërrijnë në destinacionin e synuar kthehen në eskorta të shërbimeve seksuale.
Disa raste të tilla janë zbuluar nga policia dhe njëri prej tyre ishte ai i pak ditëve më parë në Durrës.
Dy venezueliane, një kolumbiane dhe një spanjolle, të moshave nga 24 deri 46 vjeçe u proceduan penalisht dhe u morën në hetim për prostitucion nga Prokuroria.
Ata ranë në duart e policisë pas pas një konflikti me një të ri nga Shijaku, me të cilin ishin takuar për ofrimin e shërbimeve seksuale.
Sipas dosjes hetimore, vajzat kanë hyrë në Shqipëri më 5 shkurt të këtij viti dhe kanë pranuar se ofronin shërbime seksuale kundrejt pagesës.
Vajzat kanë dëshmuar se aktivitetin e paligjshëm e kryenin në pavarësi, duke pretenduar se nuk kishin një person që i menaxhonte apo i ushtronte presion.
Paratë që fitonin, ata kanë pretenduar se ua dërgonin familjeve të tyre.
Fotot dhe kontaktet e vajzave qarkullonin në faqet e shumta online të eskortave të seksit. Në këto faqe qarkullojnë qindra shtetase të nacionaliteteve të ndryshme, që ofrojnë shërbime seksuale, “in call” ose “aut call”, madje edhe nga Azia e largët.
Është zbuluar se prostitucionin në Shqipëri ata e ushtrojnë vetëm për disa javë, duke hyrë e dalë si turiste.
Duke u bazuar në kohën dhe në vendin ku ata kryenin prostitucionin, vajzat i shisnin shërbimet seksuale në çmimet nga 150 deri në 500 euro.
© SYRI.net