Sipërfaqe të mëdha me vreshta, grurë dhe kultura të tjera bujqësore janë dëmtuar nga breshëri i rënë në zonën e Allkaj në Lushnje. Fermerët flasin për dëme të mëdha nga breshëri, ndërsa kërkojnë mbështetje nga shteti.
Nga SYRI TV
Breshëri i rënë gjatë pasdites së të dielës në zonën e Allkajt në Lushnje, ka dëmtuar sipërfaqe të mëdha të kultivuar me vreshta dhe kultura të tjera bujqësore.
Siç shihet nga pamjet, dëmet janë të pallogaritshme, ndërsa kapriçot e motit kanë kapur në befasi fermerët e zonës, të cilëve u kanë dëmtuar pothuajse gjithë prodhimin e këtij viti.
Fermerët kërkojnë mbështetje nga shteti, për të rikuperuar humbjet e shkaktuara nga breshëri.
© SYRI.net