Bodrumi i një pallati në Durrës është kthyer në gropë septike. Bllokimi i kanalizimeve ka sjellë mbushjen e bodrumit me ujëra të zeza, të cilat shkaktojnë ndotje për banorët. Deri më tani bashkia nuk po i jep zgjidhje problemit të 16 familjeve.
Nga SYRI TV
Këto janë ujërat e zeza në bodrumin e një pallati, ku jetojnë 16 familje, i cili ndodhet afër qendrës së qytetit të Durrësit. Prej ditësh, për shkak të bllokimit të tubacioneve, vendstrehimi në bodrumin e pallatit është kthyer në gropë septike, duke shkaktuar ndotje kundërmuese për banorët.
Banorët kanë kërkuar ndihmë nga bashkia për pastrimin e bodrumit të pallatit, por nuk u është dhënë zgjidhje. Bllokimi i kanalizimeve shkarkuese, ka bërë që në bodrumin e pallatit ujërat të arrijnë nivelin e 1.5 metrave.
Gazetar: A. Aliaj
Operator: N. Duka
Montazhier: T.Foto
© SYRI.net