Violeta Gurra një vit më parë u gjet e vrarë me shenja prerje në qafë në Bajzë të Malësisë së Madhe.

Së fundmi në emisionin “Zemër të hapur”, ka folur motra e viktimës e cila është shprehur se jeta e Violetës ka qenë një dramë e vërtetë.

“Ekspertiza mjeko ligjore nuk ka rënë në duart e mia. Me nipërit dhe mbesat kam një marrëdhënie shumë të mirë. Motrën e e kanë prerë në fyt, nuk është vetëvrasje. Jeta e motrës time ka qenë horror. Jemi rritur jetime. Që kur është martuar aty nuk e ka dashur njëri, gjithmonë me të shara. Nuk na dëgjon Violeta na thonin, por duhet të kesh mirëkuptim. Motra ime është shkelur me këmbë.”, u shpreh ajo.

Pjesë nga biseda:

Përse mendojë se shkelej me këmbë?

Motra: Po të pyesësh njerëzit që ka punuar, nuk ka njeri të thotë se ajo ka qenë e keqe. Po t’i pyesësh do të thonë, gjynah e shkreta se është e shkelur me këmbë.

Para shumë vitesh Violeta ka bërë një dënim, për shkak të një rrahje që i ka bërë kunatës dhe vjehrrës, keni vënë re shenja depresioni?

Motra: Ajo kaloi periudhë të vështirë, i kanë vdekur tri fëmijë. Ajo më shumë ka qëndruar në Tiranë në spital, sepse çonte fëmijët e sëmurë dhe ata thonin se ajo është rrugaçe, deri atje shkonin…Unë ju them se nuk ka qenë rrugaçe…por një punëtore e vërtetë.

Marrëdhëniet me fëmijët dhe bashkëshortin?

Motra: Ai e ka dashur, ka konflikte njeriu, por që kur i vdiq bashkëshorti të gjithë i hipën në shpinë. Atë e kanë vrarë në një konflikt, ai ndërhyri për të sheshuar konfliktin dhe u vra.

Përse u ftoh marrëdhënia e fëmijëve me Violetën?

Motra: Nga fëmija i sëmurë që ishte, filluan t’ja kthenin kundër…

Si iu mbush mendja fëmijëve të denonconin nënën?

Motra: Ishin të vogla…Përse këta fëmijë nuk qëndruan tek halla deri në moshën e duhur,. Përfunduan në një kishë, ata fëmijët i kanë dashur t’i bëjnë keq motrës se nuk e kanë dashur kurrë. T’i je e çmendur i thonin nuses, por si i thuhet t’i je e çmendur.

Problemet e shëndetit mendor a janë të identifikuara diku?

Motra: Shpirti është shpirt…Ajo doli si e çmendur…