Cili është efekti i konsumimit të kafesë tek pacientët me diabet?

Kafeja është një nga pijet më të konsumuara në botë dhe disa studime shkencore vitet e fundit kanë zbuluar përfitimet e saj të shumta shëndetësore, nga mbështetja e shëndetit të zemrës deri te zvogëlimi i rrezikut të zhvillimit të sëmundjeve të caktuara kronike.

Megjithatë, efekti i kësaj pijeje popullore mbetet i dyshimtë për diabetikët, veçanërisht në lidhje me nivelet e sheqerit në gjak dhe përgjigjen e trupit ndaj insulinës.

Kafeina dhe sheqeri në gjak

Sipas Klinikës Mayo, nëse keni diabet, kafeina mund të ndikojë në mënyrën se si trupi juaj përdor insulinën (ndjeshmëria ndaj insulinës), gjë që mund të çojë në nivele të larta ose të ulëta të sheqerit në gjak.

Për disa njerëz me diabet, konsumimi i rreth 200 miligramëve kafeinë mund të shkaktojë këtë ndryshim. Për të tjerët, mund të ketë pak ose aspak efekt në nivelet e sheqerit në gjak.

Efekti i kafesë në hormonet e stresit

Kafeina gjithashtu mund të rrisë çlirimin e disa hormoneve të stresit, siç është adrenalina, të cilat mund të çojnë në rritjen e sheqerit në gjak.

Për më tepër, adrenalina mund të parandalojë qelizat e trupit nga prodhimi i insulinës, duke i penguar kështu ato të përpunojnë sheqerin.

Kafe e pa-ëmbëlsuar

Nga ana tjetër, disa studime kanë treguar se konsumi i moderuar i kafesë (sidomos kafeja pa sheqer) shoqërohet me ndjeshmëri të përmirësuar ndaj insulinës dhe një rrezik të reduktuar të zhvillimit të diabetit të tipit 2 në planin afatgjatë.

Çfarë do të thotë kjo?

Kjo do të thotë që efekti i konsumit të kafeinës ndryshon nga personi në person; ose rrit përkohësisht nivelet e sheqerit në gjak në përgjithësi, ose përmirëson ndjeshmërinë ndaj insulinës në planin afatgjatë.

Diabetikëve u këshillohet të monitorojnë reagimin e tyre personal ndaj kafesë, dhe të shmangin sheqerin me kalori të lartë ose shtesat kremoze.