Futbollistët legjendar të Kombëtares angleze, Alan Shearer dhe Rio Ferdinand, kritikuan Marko Livaja për mënyrën se si e ekzekutoi penalltinë ndaj Japonisë.
Legjendat e futbollit botëror janë komentues për BBC-në dhe pas ndeshjes së Kroacisë me Japoninë, të cilën nënkampionët e botës e fituan me penallti, ata i hodhën një vështrim të veçantë sulmuesit të Hajdukut.
Livaja, ishte i vetmi kroat që humbi penalltinë. Për fat, portieri Dominik Livakovic priti tri penallti të japonezëve dhe e çoi Kroacinë në çerekfinale për një duel me Brazilin.
"Ai ishte shumë i relaksuar, vrapoi qetësisht. Kjo ishte qesharake. Nuk mund të vraposh si Livaja, duhet të shënosh ose do të dukesh si një idiot. Lewandowski e bëri këtë gjithashtu, nuk mund të kesh fuqi të mjaftueshme nëse ti vrapon në atë lloj mënyre”, ka thënë Shearer. Më pas fjalën e ka marrë Ferdinand, i cili ka shënuar shumë gola nga penalltitë në karrierën e tij.
"Duhet të marrësh topin, të zgjedhësh se ku do të gjuash, të vraposh me vendosmëri dhe ta gjuash sa më fort të mundesh. Është pikërisht ajo që bëri Pasalic, i cili shënoi nga penalltia vendimtare. Ai tregoi se si duhet bërë", tha Ferdinand.
VIDEO/ Theu VAR-in në Botëror, Cavani s’i del inati: Nëse më dënojnë mua, arbitrin duhet ta burgosin
Aguero zbulon detaje nga festa: Piva shumë pas fitores, Messi më kritikoi ashpër
Histori e pazakontë: U rendit i katërti në Botëror, por klubi i tij e përjashton
Denonco
