Gjykata Kushtetuese ka zbardhur vendimin e arsyetuar për dy kërkesat e Partisë Demokratike lidhur me ngritjen e komisioneve hetimore parlamentare.
Në arsyetimin e saj, Gjykata shprehet se kërkesa për ngritjen e një komisioni hetimor për çështjen e ish-agjentit të FBI-së, Charles McGonigal, nuk u pranua pasi nuk plotësonte kriterin kushtetues të ekzistencës së një "çështjeje të veçantë". Sipas saj, objekti i propozuar nuk individualizonte me qartësi faktet ose grupin e fakteve që do t'i nënshtroheshin hetimit parlamentar.
Ndërkohë, Gjykata Kushtetuese pranoi kërkesën për ngritjen e një komisioni hetimor për zgjedhjet e 11 majit 2025, duke rrëzuar argumentin e Kuvendit se një komision i tillë do ta shndërronte Parlamentin në një "superorgan".
Po ashtu, trupa kushtetuese nuk e gjeti të bazuar as pretendimin se komisioni hetimor do të mbivendosej me veprimtarinë e Komisionit të Posaçëm për Reformën Zgjedhore, duke kujtuar se një situatë e ngjashme është shqyrtuar edhe më parë në jurisprudencën e saj.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Berisha për ministren serbe: Ndjesa e një monstre, Rama heshti përballë deklaratave raciste antishqiptare
Revolta qytetare në ditën e 48-të, qytetarët nisin marshimin-protestë në rrugët e Tiranës
BIRN: Komisioni Europian kritikon sulmet politike ndaj SPAK-ut në rastin Balluku