Mbaron marshimi/ Protestuesit ndahen, disa te sheshi 'Skënderbej' dhe disa para Kryeministrisë

Pas marshimit në rrugët kryesore të Tiranës nga zona e Parlamentit drejt Qytetit Studenti, protestuesit vijuan mobilizimin e tyre në pika të ndryshme të kryeqytetit në protestën e 22 qytetare ku kërkohet dorëheqja e kryeministrit Edi Rama.

Në përfundim, një pjesë e tyre u grumbullua në Sheshin Skënderbej, ndërsa grupi tjetër u rikthye para Kryeministrisë, ku ka vendosur të vazhdojë rezistencën qytetare gjatë gjithë natës.

Protestuesit deklarojnë se do të qëndrojnë në vigilencë deri në orët e para të mëngjesit, duke e cilësuar praninë e tyre si një shenjë vendosmërie për të mos u tërhequr nga kërkesat e ngritura ndaj qeverisë dhe një mosbindje civile.