‘Mblidhemi të gjithë këtë 35 vjetor...’/ Berisha: PD u lind si lëvizje për liri dhe demokraci

Partia Demokratike e Shqipërisë shënon sot 35-vjetorin e themelimit, një ngjarje që kreu i partisë, Sali Berisha, e cilëson si moment reflektimi dhe festimi me të gjithë ata që kanë qenë pjesë e rrugëtimit politik të forcës së parë opozitare në vend.

Në një postim në FB, Berisha shkruan se PD “u lind si lëvizje për liri dhe demokraci” dhe se tre dekada e gjysmë më vonë, kjo parti mbetet simbol i rezistencës dhe shpresës për shqiptarët.

Ceremonia e përvjetorit do të mbahet sot, në orën 18:00, në selinë qendrore të Partisë Demokratike, ku pritet të marrin pjesë figura të njohura të politikës, anëtarë të PD-së dhe mbështetës të saj nga e gjithë Shqipëria.

Postimi i plotë:

Partia Demokratike u lind si lëvizje për liri dhe demokraci.

35 vite më vonë, mblidhemi për të kremtuar themelimin, dhe duam ta bëjmë këtë me ata që i ndanë këto vite të stuhishme, në të mirë e në të keq, me forcën e parë të lirisë.

Sot, ora 18:00

Selia e PD