Banorët e Derviçanit në rrezik, PD denoncon ndërhyrje të paligjshme dhe pasivitetin e Bashkisë Dropull

Zëdhënësi i Partisë Demokratike në Gjirokastër, Armando Rabaj, ka denoncuar situatën alarmante në Bashkinë Dropull, ku reshjet e fundit të shiut kanë shkaktuar përmbytje dhe dëme të mëdha në fshatrat e zonës, veçanërisht në Derviçan. Sipas PD-së, bashkia jo vetëm që ka braktisur banorët e fshatrave, por ka kontribuar në përkeqësimin e situatës përmes ndërhyrjeve të paligjshme në shtratin e përroit të fshatit.

Banorët e Derviçanit po përballen me lagje të përmbytura, tokëra bujqësore të shkatërruara dhe rrezik të shtuar për banesat e tyre. Buldozerët janë futur në shtratin e përroit, duke marrë inerte dhe duke gërryer shtratin e tij gjatë dimrit, një praktikë e ndaluar me ligj dhe e rrezikshme për sigurinë e komunitetit.

Rabaj thekson se Agjencia Rajonale e Mjedisit Gjirokastër, Inspektorati Kombëtar i Mjedisit dhe Drejtoria e Policisë Bashkiake Dropull janë të heshtura dhe nuk kanë ndërmarrë asnjë veprim për të ndaluar ndërhyrjet e paligjshme.

PD kërkon transparencë, përgjegjësi dhe ndërhyrje të menjëhershme për të mbrojtur jetën dhe pronat e banorëve, duke ndalur shkatërrimin e shtratit të përroit dhe rrezikun e përmbytjeve në të ardhmen.

Deklarata e plotë:

Reshjet e fundit të shiut në Bashkinë Dropull na qenka   “bereqet”, dhe jo  rrezik, përmbytje dhe dëm të rëndë për banorët e fshatit Derviçanit.

 Sot, lagjet e fshatit po mbyten nga ujërat, tokat bujqësore po dëmtohen dhe përroi i fshatit po shkatërrohet me ndërhyrje të paligjshme!

Ky është një fenomen që sa ka rreshje të dendura firmat  fillojnë marin inerte, ku është e ndaluar me ligj po të bekuarit dhe të besuarit e Mirela Kumbaros nuk e njohin ligjin.

Në vend që të ndihmojë banorët e izoluar dhe të mbrojnë komunitetin! 

Buldozerët janë futur në shtratin e përroit, duke marrë inerte dhe duke gërryer shtratin e tij gjatë dimrit, një veprim i ndaluar me ligj dhe i rrezikshëm për sigurinë e banorëve.

 Agjencia Rajonale e Mjedisit Gjirokastër.

IKMT 

Drejtoria e policisë bashkiake Dropull.

Të gjitha këto institucione janë inekzistente.

arsyen Pse nuk ndalet ndërhyrja e paligjshme që rrezikon shtëpitë dhe tokat nuk dihet ?

A janë interesat personale më të rëndësishme se jeta e qytetarëve?

Këto veprime jo vetëm që dëmtojnë mjedisin, por rrisin rrezikun e përmbytjeve dhe katastrofave natyrore. Banorët e Derviçanit kërkojnë ndihmë, transparencë dhe përgjegjësi — jo heshtje dhe abuzim!