Liria e shtypit në Shqipëri ka njohur përkeqësim sërish.

Organizata “Reporterët Pa Kufij” vlerëson se mjedisi për lirinë e shtypit në Shqipëri “është i vështirë”.

Shqipëria ka humbur tre vende krahasuar me një vit më parë, kur listohej e 96-ta. Tani ajo ndodhet në vendin e 99-të.

Së bashku me Serbinë, Shqipëria përballet me rënien më të madhe në Indeks në shtetet e të Ballkanit Perëndimor.

Gazetari Andi Bushati thekson se Shqipëria madje është edhe më keq se Serbia.

“Kështu duket klasifikimi i lirisë së shtypit për Shqiperinë, nga “Reporteret Pa Kufij”.

Në këtë zonë të Evropës, ne dhe Serbia jemi më keq (madje ne të fundit edhe pas Serbisë)” shkruan ai.