Iriqi:- U befasove apo e dije që do bëheshe ministër?
Gonxhe:- Rama është si Enveri. Ti e lexon në TV se çfarë posti merr, siç mëson po nga TV që do të futesh në burg.
Iriqi:- U gëzove?
Gonxhe:- Shumë, se mora tre gonxhe, më fal, tre ministri në një.
Iriqi:- Cili është slogani i punës tënde nga nesër?
Gonxhe:- Luftuam PPSH që të jetojmë me PPP.
Iriqi:- Domethënë?
Gonxhe:- Po koncesione o Iriq. Ato janë ushqimi ynë.
Iriqi:- Si ushqehesh me koncesione?
Gonxhe:- Buxhetin ia japim me thasë një miku a shoku. Ai mban një qese për vete dhe torbat me para m’i jep mua.
Iriqi:- Pra ti je Tigri i Ri d.m.th?
Gonxhe:- Unë jam Tigri 2. Por me përvojë dhe me veshje antiSKAP.
Iriqi:- Pra nuk i thua burgut hapu?
Gonxhe:- I them hapu, por për vartësit e mi.
Iriqi:- Ti s’ke qenë ministër ndonjë ditë. Ke shqetësim se të mungon përvoja?
Gonxhe:- S’kam qenë ministër, por e kam bërë atë punë. Ndaj më zgjodhi Rama.
Iriqi:- Si kështu?
Gonxhe:- Po ja, më parë jepja makina me qira, tani do jap Shqipërinë me qira. E njëjta punë është, veç fitimi është i garantuar e zgjat deri në jetën e nipërve dhe të mbesave të mia.
Iriqi:- Flitet se doje të merrje nën menaxhim edhe digat. Ke goxha përvojë me hapjen e tyre dhe përmbytjen e Tiranës...
Gonxhe:- Hahaha, doja dhe digat, por Rama tha, leri hë për hë ato se ky popull është i mbytur dhe i mbaruar. I erdhi keq për njerëzit d.m.th.
Iriqi:- Ka ndonjë ndryshim tjetër në qeveri?
Gonxhe:- Ka disa. Po mendohet Rama t’i japë një ministri breshkës që ka në zyrë, por nuk di se si ta quajë këtë dikaster.
Iriqi:- Po a do pranojë presidenti të firmosë për një breshkë?
Gonxhe:- Do pranojë.
Iriqi:- E nga e di ti?
Gonxhe:- Po kur pranoi për Ballën, breshka është ku e ku krahasuar me të. Është më e mençur, më e pashme dhe nuk nget Toyota Yaris.
© SYRI.net