Ka kaluar gati një javë që kur befasoi shqiptarët nga Roma, ku doli me kryeministren italiane Georgia Meloni dhe njoftoi se kishte nënshkruar një marrëveshje më të, me kokën e tij, pa pyetur askënd, për t’i dhënë territor Italisë në Shëngjin që të ngrejë kampe refugjatësh.

Asnjë moment të vetëm nuk është lodhur Edi Rama që t’i japë shpjegime qytetarëve shqiptarë për këtë marrinë të radhës të tij. Marrinë e cila është një akt tradhëtie ndaj njerëzve që i kanë dhënë vlerë firmës së tij të nënshkruajë të tilla marrëveshje.

Georgia Melonin  nuk po e lenë rehat as mediat, as publiku italian për veprimin që ka bërë, edhe pse kjo është tërësisht në interes të tyre.

Ndërsa në Shqipëri mediat i thurin lavde Edi Ramës për marrinën që ka bërë. Qytetarët janë të pavetëdijshëm dhe u kanë hedhur trutë e gomarit megafonët mediatikë të pushtetit. Se marrëveshja na qenka humanitare. Borxh që ne ia kemi Italisë e të tjera broçkulla.

Nuk ndien deyrim t’u jape shpjegime shqiptarëve por, Rama jep çdo ditë intervista në mediat italiane ku përpiqet të qetësojë italianët dhe t’i bindë ata se marrëveshja është në interes të tyre. Madje dyshohet se ai ka dhënë një intervistë edhe në emër të shkrimtarit të madh shqiptar, Ismail Kadare për La Stampa-n.

Ndoshta edhe kjo është pjesë e marrëveshjes me Mëlonin, t’u mbushë mendjen italianëve se marrëveshja është në interes të tyre dhe sa për shqiptarët ata nuk duhet të shqetësohen sepse ky është padrinoja që komandon një komb të tërë dhe firmos për çfarëdo gjëje që ka interes personal pa u shqetësuar nga akush.