Gabimet e pafajshme, apo të qëllimshme të kryetarëve të Bashkive, duket se po u kushtojnë shumë atyre dhe buxhetit të shtetit, ndërkohë nuk po mësojnë nga njëri-tjetri. Ish-kryetari i Bashkisë së Fushë Arrëzit, Fran Tuci, u arrestua më 12 korrik 2023 me urdhër të SPAK-ut për shpërdorim detyre.

Objekt i hetimit të nisur në Pukë që i kaloi më pas SPAK-ut, sipas prokurorisë ka qenë procedura për hapjen e një segmenti të ri rrugor në territorin administrativ të Bashkisë Fushë-Arrëz.

‘Pas kryerjes së veprimeve hetimore në kuadër të këtij procedimi penal ka rezultuar se në territorin nën juridiksionin administrativ të Bashkisë Fushë Arrëz, në kundërshtim me kuadrin ligjor në fuqi, është hapur një segment i ri rrugor rreth 1.8 km dhe gjerësi rreth 5 m, i cili ka cënuar një sipërfaqe të konsiderueshme të fondit pyjor në pronësi të kësaj Bashkie si edhe ka dëmtuar rëndë terrenin e këtij fondi pyjor’, shkruhet në dosje.

Gjithçka e qartë deri në këtë pike, por a ka dishepuj të tjerë ish-kryebashkiaku i Fushë Arrëzit?

Shkojmë në Tropojë, aty ku drejtimin e Bashkisë prej vitit 2019 e ka Rexhë Byberi. Ky i fundit arriti të sigurojë dhe mandatin e dytë në zgjedhjet e 14 majit të vitit 2023.

Por puna e mire e kryetarit duket se ka dhe huqet e veta, prej atyre që kushtojnë shumë. I pari i Tropojës ka shkelur rregulloren me dy këmbë në ‘Rikonstruksionin e rrugës Auto Grace, fshati Shoshan, Njësia Administrative Margeja’.

Rikonstruksionin e pretenduar, sepse në atë vend nuk ka pasur kurrë rrugë, por ka qenë vetëm një shteg i vogël…

Kërkesa e banorëve për zgjerimin e kësaj rruge i është drejtuar bashkisë Njësisë Administrative Margeja më 20 maj 2021, ndërkohë që dëgjesa publike në këshillin bashkiak është bërë me 11 prill 2023.

Ndërkohë miratimi i rrugës ‘Grace-Logu i Gracit’ është bërë më 9 maj 2023 me 13 vota pro, 2 kundër dhe asnjë abstenim.

Këtu duhet të ndalemi pak, sepse këshilli bashkiak i Tropojës ka firmosur një projekt në ajër…

Në shkresën e vënë në dispozicion nga ky institucion është vendosur ‘Miratimi në parim i projekt-idesë për ndërtimin e rrugës ‘Grace-Logu i Gracit’ në fshatin Shoshan të Njësisë administrative Margegaj me një gjatësi prej 2450 ml’.

Ndërkohë hartimi i projekt zbatimit, preventivi e të tjerë i ngarkohen Drejtorisë së Planifikimit, zhvillimit të territorit dhe drejtoria ekonomike’.

Vendimi ka hyrë në fuqi menjëherë i firmosur nga kryetari i Bashkisë, Rexhë Byberi, dhe puna ka nisur sipas kësaj skice…

 Pra, kryetari i Bashkisë ka miratuar nisjen e punimeve të një rruge pa projekt zbatimi, vetëm si projekt ide dhe pa preventive, në shkelje të të gjitha rregullave normale të funksionimit të institucionit që drejton.

Rruga ndërkohë ka përfunduar, pavarësisht se nuk është miratuar në shkelje nga Byberi. Si pasojë e ndërhyrjes së realizuar për hapjen e një rruge të re, pra që nuk ka ekzistuar më herët, konstatohet të jetë shkaktuar një dëm i përllogaritur dhe I vlerësueshëm tashmë.

Konstatohet se segmenti rrugor në fjalë është realizuar jashtë të gjitha kritereve që përcaktohet nga parashikimet ligjore dhe nënligjore, por më pas nuk është ndaluar, madje dyshohet se është mbësgtetur me veprime dhe mosveprime nga persona të veshur me autoritet shtetëror, përfshirë këtu dhe titullarin e bashkisë.

Ligji nr. 162/2020’ Për Prokurimin Publikon’ parashikon rregullat për procedurat e prokurimit nga autoritetet dhe entet kontraktore për kontratat publike dhe konkurset e projektimit. Në këtë kontekst autoritetet publike nuk duhet të shmangin fushën e zbatimit të këtij ligji dhe çdo punë publike nga autoritetet apo entet publike duhet të kryhet sipas procedurave ligjore dhe nënligjore dhe ky është një detyrim ligjor.

Moszbatimi I parashikimee ligjore dhe nënligjore për kryerjen e punëve publike nga autoritetet apo entet publike krijon dyshime të arsyeshme se personat përgjegjës-titullarët e AP kanë kryer veprime në kundërshtim me ligjin të cilat kanë sjellë pasoja konkrete për shtetasit, subjektet juridike private, apo dhe për shtetin, duke përfshirë këtu dëm financiar të shkaktuar në pasurinë publike dhe shkatërrimin e kësaj të fundit.

Këto veprime apo mosveprime të cilat dyshohet të jenë kryer në kundërshtim me ligjindhe që do të përbënin në rastin konkret mospërmbushje të rregullt të detyrës, në kushtet kur neni 248 i Kodit Penal është një dispozitë blanket, do gjejnë reference tek aktet ligjore e nënligjore që normojnë një veprimtari shtetërore, të cilën personi që ushtron detyrën ka detyrë ta përmbushë

E gjitha kjo që cituam duket se ka të bëjë me rastin konkret të kryebashkiakut Rexhë Byberi, por në fakt është aktakuza e Fran Tucit. Ngjashmëritë janë të dukshme… por jo veprimet e SPAK-ut 

EMISIONI I PLOTE: