Edhe pse deputeti socialist, Vullnet Sina kishte deklaruar se nuk ka asgjë personale me deputetin demokrat, Bledion Nallbati dhe se e ka falur atë, grupi parlamentar i PS mendon ndryshe.
Duket se Edi Rama i ka urdhëruar ata që të bëjnë një kallëzim penal në SPAK ndaj deputetit opozitar.
Në pamje shihet se Nallbati nuk e goditi Sinën.
Ndërkohë ky veprim vjen në vazhdën e sulmeve të njëpasnjëshme të pushtetit ndaj opozitës.
Teksa mazhoranca ankohet për dhunë nga opozita, ajo kontrollon vetë çdo bandë kriminale në vend.
Reagimi i Bledi Çuçit:
“Sot, në emër të Grupit Parlamentar të Partisë Socialiste firmosa kallëzimin penal për deputetin Bledion Nallbati për dhunën fizike të ushtruar në seancën e fundit ndaj deputetit Vullnet Sina.
Qëndrimi ynë është i qartë. Nuk do te tolerojmë asnjë akt dhune dhe refuzojmë këdo që e konsideron dhunën si mundësi për të shprehur mospajtimin.
Ftojmë organet ligjzbatuese të bëjnë punën e tyre dhe t’i shkojnë deri në fund ngjarjes së 30 tetorit në Parlament.
© SYRI.net