Kryetari dhe bashkëkryetari i Komisionit të Posaçëm të Reformës zgjedhore u takuan të mërkurën gjatë paradites larg syrit të medias.
Takimi mes Damian Gjiknurit dhe Enkelejd Alibeajt u zhvillua në një restorant pranë selisë së re të grupimit të Lulzim Bashës.
Sipas MCN TV, ishte Alibeaj i cili priti për disa minuta Gjiknurin dhe pas mbërritjes së këtij të fundit, diskutimi u zhvillua në ambientet e brendshme të restorantit.
Në përfundim, Alibeaj tha jashtë kamerave se reforma zgjedhore kishte përfunduar 1 vit më parë kur mazhoranca e refuzoi, por kur u pyet për takimin, ai nuk pranoi të jepte një përgjigje dhe u largua.
Takimi vjen një javë pasi Kryetarja e Kuvendit Lindita Nikolla nuk pranoi propozimin e Gazment Bardhit në cilësinë e grupit parlamentar për të ndryshuar bashkëkryetarin e Komisionit të Posaçëm të Reformës Zgjedhore.
Ndërkohë, opozita paralajmëroi që dje rezistencë në parlament. Kjo qëndresë u bë realitet gjatë seancës së sotme.
© SYRI.net