Një javë pasi ka nisur lufta mes Izraelit dhe Hamasit pas sulmit terrorist të këtij të fundit, Ministria për Evropën dhe Punët e Jashtme është vënë në kontat me disa shqiptarë të cilët kërkojnë të largohen nga Rripi i Gazës.

Pas disa intervistave të dhëna në media dhe për SYRI-n nga shqiptarë të cilët kërkonin të largoheshin nga zona e luftës në Gaza, MEPJ përmes ambasadës në Egjipt është në kontakt orë pas ore me këta shtetas.

Reagimi i ministrisë së Jashtme:

Mirëmbrëma!

Ministria për Evropën dhe Punët e Jashtme, përmes Ambasadave të Republikës së Shqipërisë në Izrael dhe Egjipt vijon përpjekjet për t’i ardhur në ndihmë qytetarëve në vështirësi, për shkak të luftës në Izrael dhe Rripin e Gazës.

Pas disa intervistave në media, MEPJ përmes ambasadës në Egjipt është vënë në kontat me disa qytetarë (shtetas shqiptarë) të cilët kërkojnë të largohen nga Rripi i Gazës.

Prej 48 orësh MEPJ është në kontakt orë pas ore me këta shtetas, të cilët vetëm dy ditë më parë kanë deklaruar zyrtarisht se jetojnë në Rripin e Gazës. Më herët, MEPJ nuk ka patur asnjë deklarim të shtetasve shqiptarë, pranë autoriteteve të saj në Egjipt apo Izrael, që jetojnë në Rripin e Gazës.

 Prej kontaktit të parë me këta shtetas, MEPJ është në komunikim në vazhdueshëm me përfaqësitë e saj në Egjipt dhe Izrael dhe organizatat ndërkombëtare për lehtësimin e daljes së shtetasve nga Rripi i Gazës.