Robert Jenrick, Ministri anglez i Emigracionit, ka raportuar këtë të martë në parlamentin britanik për emigracionin e paligjshëm.  

Jenrik tha se që nga marrëveshja që Anglia arriti me Shqipërinë në dhjetorin e vitit të kaluar ka rezultate të suksesshme dhe falë saj janë kthyer mbrapsht 3.500 emigrantë shqiptarë.

Për pasojë, sipas tij, ka një rënie të ndjeshme me 90 për qind të shqiptarëve që arrijnë në Britaninë e madhe në mënyrë ilegale.

Deri më tani, gjatë këtij viti janë kthyer 12.600 emigrantë të paligjshëm. Kjo shifër, është 75 për qind më e lartë se e njëjta periudhë e një vitit të shkuar, raportoi ministri anglez i Emigracionit.