Skandali korruptiv i inceneratorëve është një skenar ideal për filma, siç do thoshte edhe Elisa Spiropali në këtë rast.
Një skemë e mirëfilltë mafioze e dirigjuar nga numri një i piramidës së ekzekutivit, Edi Rama, dhe i shtrirë në gjithë kabinetin e tij.
Por kjo skemë mafioze korrupsioni nuk ka përfshirë vetëm ekzekutivin, në të kanë qenë të përfshirë edhe media e gazetarë të rëndësishëm në Shqipëri.
Media ka luajtur një rol kyç në heshtjen dhe mbulimin e kësaj afere korruptive.
Shumë prej tyre u blenë me reklama nga inceneratorët, por edhe shumë gazetarë me emër kanë përfituar shërbime private nga ‘biznesmenët’ e inceneratorëve, Klodian Zoto dhe Mirel Mërtiri.
SPAK e di se shumë televizone dhe gazeta u paguan nga paratë e inceneratorëve në mënyrë që të mbyllnin gojën.
Inceneratorët treguan, që përveç korrupsionit të qeverisë, ishte korruptuar edhe media e gazetarë të përveçëm.
U zbuluan faktet që gazetarë të ndryshëm, dhe mbi të gjitha redaksi televizionesh dhe gazetash, merrnin para nga inceneratorët pa ofruar asnjë lloj shërbimi.
Financimet ishin pjesë e skemës për të mbyllur gojën e medias që publiku mos të mësojë se çfarë ndodh me paratë e tyre.
Pse SPAK nuk ka nisur asnjë hetim ndaj tyre? Çfarë e pengon organin e hetimit dhe akuzës të shtrijë hetimin përtej ekzekutivit? Janë miliona euro të taksapaguesve shqiptarë të vjedhura nga skema mafioze e inceneratorëve, drejtësia është në shërbim të qytetarëve, apo…?
© SYRI.net