Nga Ylli Manjani

Kadastra, kadastra, po bashkia bën namin. Kërdinë po bën duke rrëmbyer prona private gjasme në emër të tërmetit apo të interesit publik (në fakt interesit privat).

Çfarë mund t’i bëjë kadastra bashkisë që i çon pronarit ultimatum të lirojë pronën, pa ia shpronësuar me vlerën e tregut dhe për një interes publik real, ashtu siç e paracakton Kushtetuta?!

Si mund të ndalojë zyra kadastrale banditizmin antikushtetues të pushtetit?! A mund të na e thotë dikush si?!

Kadastra me qëllim lihet ashtu që t’i shërbejë banditëve politike dhe jo interesit të tregut të pronave.

E përsëris:

bashkitë, ajo e Tiranës më së shumti, rrëmbejnë prona private pa interes publik dhe pa shpërblim sipas vlerës së tregut.

Këtë të na tregojë Edi Rama e jo pallavra me reformën kadastrale, të cilën vetë e gjymtoi.

Vetëm komunistët e kanë bërë këtë që bën pushteti i sotëm.