Shqiptarët po ikin gjithmonë e më shumë dhe pjesa më e madhe e tyre synojnë që të integrohen në vende të tjera dhe të mos kthehen më.

Sipas INSTAT 46,460 shqiptarë janë larguar si emigrant gjatë vitit të kaluar. Kjo shifër rezulton të jetë 10.5% më e lartë se ajo e vitit 2021, kur numri i të ikurve ishte rreth 42 mijë. Por, ajo që bie në sy nga statistikat publike në rastin e popullsisë është fakti se emigrimi në vitin 2022 ka prekur nivelin më të lartë që prej vitit 2014.

Në vitin 2014 bëhej fjalë për 46,525 të larguar, pra rreth 65 emigrantë më shumë se në vitin 2014.

Duke u bazuar në këto të dhëna rezulton se kanë ikur nga Shqipëria për emigrim 1.66% e popullsisë, ose 1 në 60 shqiptarë rezidentë. Duke iu referuar të dhënave për vitin e kaluar çdo ditë janë larguar përfundimisht nga vendi 127 individë, apo 5.3 shqiptarë çdo 1 orë dhe kjo është një shifër e lartë.

Kjo pra është panorama e gjendjes së rëndë më të cilën po përballet vendi ynë. Shpopullimi masiv. Qeveria e rilindjes nuk ka marrë asnjë masë parandaluese qe kjo situata të ndryshoje. Vetëm e ka nxitur ikjen, zbrazjen e vendit.