Intervistë me z. Ismail Uka, kandidati i koalicionit ‘Bashkë fitojmë’ për bashkinë e Dibrës, në emisionin Kafe Shqeto në SYRI TV.
Kur kryetari i Partisë Demokratike, Sali Berisha, prezantoi në Dibër kandidatin e opozitës për këtë bashki Ismail Ukën, u bëri thirrje demokratëve të votojnë masivisht në 14 maj, duke i quajtur ato zgjedhje të jetës.
Berisha deklaroi se opozita do të përmbysë monizmin e Edi Ramës. Ai deklaroi se demokratët nuk do të lejojnë ndërtimin e Skavicës, për të cilën tha se është aferë e pastër korruptive, që synon varrosjen e Dibrës.
Gjatë fjalës së tij, Berisha denoncoi edhe udhëtimet e luksit jashtë shtetit të Zv.kryeminsitres Belinda Balluku, në një kohë që shqiptarët largohen nga vendi për shkak të varfërisë.
Fokusin, Berisha e ndali tek projekti i qeverisë për Skavicën, të cilën e quan një aferë korruptive që sjell varrosjen e Dibrës. Ai paralajmëroi se demokratët nuk do të lejojnë këtë projekt, ndërsa i bëri thirrje kompanisë Bechtel të tërhiqet.
© SYRI.net