Në takimin që ka zhvilluar më banorët e lagjes numër 5 në Shkodër, kandidati i koalicionit ‘Bashkë Fitojmë’, Bardh Spahia vuri theksin te programi i tij 4-vjeçar që jep vëmendjen dhe zhvillimin që meriton i gjithë territori i Bashkisë Shkodër. Ndërsa qytetarët nga ana tjetër i premtuan se asnjë formë presioni nuk do të tjetërsoi votën e tyre për koalicionin.

Nga SYRI TV

Banorët e lagjes nr. 5 në qytetin e Shkodrës i dhanë mbështetjen e tyre kandidatit të koalicionit ‘Bashkë Fitojmë’ Bardh Spahia për zgjedhjet e 14 Majit. Ata deklaruan se asnjë formë presioni apo paratë që po hidhen në fushatë nuk do ta tjetërsojë votën e tyre.

Duke bashkëbiseduar me banorët e kësaj zone, Spahia tha se programi i tij 4-vjecar i jep vëmendjen dhe zhvillimin që meriton i gjithë territori i Bashkisë Shkodër.