Kandidati i koalicionit “Bashkë Fitojmë” për Tiranën, Belind Këlliçi, zhvilloi një takim me një komunitet banorësh nga Lushnja që jetojnë në Tiranë. Gjatë takimit, Këlliçi shpalosi programin e tij për drejtimin e bashkisë, ku bëri me dije se nga transporti publik falas do të përfitojnë mijëra qytetarë. Ky takim u iniciua nga deputeti demokrat Saimir Korreshi, i cili u shfaq për herë të parë në mbështetje të Këlliçit si dhe nga ish-deputeti Myslim Murrizi e ish-kandidati për bashkinë e Lushnjës, Elton Bano.
Nga SYRI TV
Kandidati i opozitës për bashkinë e Tiranës, Belind Këlliçi, zhvilloi një takim me një komunitet banorësh nga Lushnja, të cilët jetojnë prej vitesh në Tiranë. Në fjalën e tij, Këlliçi shpalosi platformën e tij për drejtimin e bashkisë pas 14 majit, ku theksoi se nga transporti publik falas do të përfitojnë mijëra qytetarë në ditë në Tiranë.
Ky takim u iniciua nga deputeti Saimir Korreshi, i cili u shfaq për herë të parë në mbështetje të Belind Këlliçit si dhe nga ish-deputeti Myslim Murrizi dhe ish-kandidati për bashkinë e Lushnjës, Elton Bano, të cilët bënë thirrje për mbështetjen e kandidatit të koalicionit “Bashkë Fitojmë” në Tiranë.
Gjatë takimit, Belind Këlliçi akuzoi Erion Veliajn se e ka kthyer bashkinë në institucion që nuk i shërben qytetarit.
© SYRI.net