Belind Këlliçi ka vërejtur se një nga pikat kryesore të programit të tij elektoral për të fituar bashkinë e Tiranës është përqafuar me interesim të madh nga banorët e kryeqytetit dhe pikërisht: Transporti publik falas!

“Si rrallëherë, qytetarët janë përfshirë drejtpërdrejt në këtë fushatë, - shkroi Këlliçi në Fb. -  Projekti për transportin publik falas i ka bërë njerëzit, banorët e Tiranës aktorët kryesorë të kësaj gare. Dhe siç shihet nga fotot, kanë nisur kudo të shprehin çfarë duan.  Unë jam në këtë beteje për ta, për të shërbyer e për të ndihmuar në zbutjen e kostos së jetesës.”