Nënkryetari i Partisë Demokratike, Oerd Bylykbashi prezantoi në Komisionin për Çështjet ligjore, propozimet për ndryshimet në Kodin Penal, sa i takon ligjit për parashkrimin, duke theksuar se asnjë zyrtar i lartë nuk duhet të ketë më mburojë nga ligji. Sipas Bylykbashit, korrupsioni në vend është në nivele të larta, teksa akuzoi Edi Ramën se po mbron ministrat e korruptuar
Nga SYRI TV
Nënkryetari i Partisë Demokratike, Oerd Bylykbashi prezantoi në Komisionin për Çështjet Ligjore, propozimet për ndërhyrje në Kodin Penal, ku kërkon që të ndryshohet parashkrimi për veprat, akuzat penale të korrupsionit dhe krimit të organizuar kundër funksionarëve të shtetit. Sipas Bylykbashit, kjo garanton që asnjë zyrtar i lartë i përfshirë në korrupsion të mos ketë mburojë ligjore, që nga kryeministri deri te kryetari i bashkisë,
Bylykbashi i bëri thirrje Kuvendit të miratojë këto ndryshime, për t’i dhënë fund nivelit të lartë të korrupsionit në Shqipëri.
Projektligji i propozuar në Komisionin e Ligjeve nga Bylykbashi është nënshkruar nga një grup deputetësh të opozitës, të kryesuar nga kryetari i PD, Sali Berisha dhe 18 deputetët të tjerë dhe ka si qëllim që zyrtarë me imunitet politik të mbajnë përgjegjësi ligjore pa tejkalim afatesh të ndjekjes penale.
© SYRI.net