Në këtë fazë të fushatës zgjedhore bashkiake, kur nuk lejohet në mënyrë kategorike bërja e tenderave nga ana e bashkive në vend, kryebashkiaku i Kuçovës Kreshnik Hajdari, ka bërë sërish dje "qokën" e tij të radhës.

Në pritje të rikandidimit të tij për bashkinë e Kuçovës, kur dihet se nga faza paraprake e zhvilluar në Ansamblenë e Partisë Socialiste (ku një nga 6 emrat përflitet edhe emrin i tij),kryetari i bashkisë Kuçovë,Kreshnik Hajdari ka kryer dje një tender tjetër.

Ky tender me vlerën e rreth 400 milion lekëve ka si objekt "Rikonstruksionin e rrugës së fshatit Goraj" dhe ka përfunduar në Dt.20.03.2023,në orën 12:46 minuta dhe i është dhënë firmës "Koloseu".

Edhe pse zhvillimi i këtij tenderi është në kundërshtim me ligjin,kjo se ka ndaluar kryebashkiakun Hajdari të bëjë "qokën" e tij të radhës, duke pritur me padurim rikonfirmimin e emrit të tij në garën për bashkinë e Kuçovës. Burime të brendshme pranë bashkisë Kuçovë kanë siguruar edhe të dhënat e tenderit të zhvilluar, ndërkohë që kanë konfirmuar se në ditë në vazhdim pritet përfundimi i një tjetër tenderi, atij të pastrimit të qytetit.