Nga Genc Gjokutaj
Bëhet me dije se SPAK ka shpallur moskompetencën për kallëzimin e bërë nga Ulsi Manja në cilësinë e ministrit të Drejtësisë në lidhje me çështjen e 21 janarit ndaj Sali Berishës, Lulzim Bashës dhe Ndrea Prendit!
Sa më sipër as më pak dhe as më shumë do të thote që kallëzimi i mësipërm nuk ka asnjë indicie e jo më provë për përgjegjësinë penale të të kallëzuarve!
Aktet i kanë kaluar për kompetencë hetimi Prokurorisë së Rrethit Gjyqësor Tiranë që në fakt nuk mund t'i hetojë personat e kallëzuar edhe sikur kallëzimi të ishte i provuar!
Po përse ky udhëtim procedurial i akteve që janë nul sa i përket asaj që kërkohet në kallëzim?
Krejt e thjeshtë!
Në gjendjen që janë aktet SPAK duhej të vendoste mosfillimin e procedimit ose pushimin e tij nëse do të kishte filluar.
Por të shpallësh moskompetencën tënde për subjektet e kallëzuar kur vetëm ti si SPAK mund të hetosh dhe t'ja dërgosh t'i hetojë Prokuroria e Rrethit Gjyqësor Tiranë që nuk legjitimohet për këtë gjë është vetëm për të mos e shpallur në këtë moment faktin që provon kallëzimin e rremë nga ana e ministrit kallëzues për shkaqe të pastra politike!
Kaq ishte edhe historia e audiopërgjimit “historik”!
Nganjëherë njeriu qesh me të madhe jo për shkak të situatës komike por se nuk qan dot!
© SYRI.net