Kryetari i PD-së, Berisha, një ditë pasi deklaroi se kthehej nga turi i tij në jug të vendit më i motivuar se kurrë në përpjekjen për të shpëtuar Gjirokastrën dhe Shqipërinë nga regjimi absolutist i Edi Ramës, ka publikuar sot fotografi nga takimet e shumta që ka pasur me kategori të ndryshme.

Nën përshkrimin "Një kafe me pedagogë të universitetit të Gjirokastrës", Berisha ka treguar momente nga biseda me profesorët e këtij universiteti, për të cilin dje tha: “...Gjendja shprehej në mënyrë të dhimbshme në universitetin e Gjirokastrës. Nga një qendër e fuqishme rajonale, atje dominonte mungesa masive e studentëve dhe boshatisja e universitetit. Në një farë mënyre, të gjitha masat e kësaj qeverie çonin në vdekjen e një qyteti, që sot qëndron në kurorën e trashëgimisë kulturore botërore.”