Pas më shumë se një viti, Kuvendi ka rihapur dyert për gazetarët. Vendimi u mor sot në Konferencën e Kryetarëve sipas të cilit nga dita e nesërme, gazetarët do të lejohen të jenë të pranishëm në sallën e parlamentit gjatë zhvillimit të seancave plenre.

Ata do të qëndrojnë në lozhë.  Më herët u vendos që gazetarët të lejohen të marrin pjesë edhe në mbledhjet e komisioneve parlamentare në Kryesinë e Kuvendit me kushtin që të jenë të vaksinuar ose të kenë një test të vlefshëm PCR.

Që prej fillimit të pandemisë, gazetarët nuk kanë qenë të pranishëm në sallën e Parlamentit, ndërsa seancat plenare i ndiqnin nga transmetimet e kontrolluara nga vetë Kuvendi.