Mbledhja e grupi kuvendor të PD-së ka treguar edhe njëherë sot, se vendimmarrja në parti vazhdon të jetë e vetëm një personi dhe jo si pjesë e diskutimit apo akoma më keq e votimit në parti.

Deputeti demokrat ka patur një debat të vogël më kryetarin e grupit kuvendor Alfred Rushaj i cili ka kërkuar që për daljet mediatike të deputetëve duhet të koordinohet me zëdhënësin e grupit parlamentar Ervin Salianji dhe Sekretarin grupit, Arbi Agalliu.

Në këtë moment deputeti aktiv në media, Agron Gjekmarkaj nuk është pajtuar me ‘fetvanë’ e kreut të grupit dhe ka ngritur zërin duke pretenduar se ‘unë kam ardhur këtu si intelektual dhe jo si ushtar që marr urdhra. Ju nuk mund të vini këtu e të na thoni, ne kemi vendosur’.

Por Gjekmarkaj nuk është mjaftuar me kaq dhe këtë moment ka bërë një lapsus tipik ‘frojdian’ kur ka shtuar se ‘këto vendime përpara se të imponohen duhen diskutuar në grupin parlamentar’.

Në këtë moment raportohet se Gjekmarkaj e ka kuptuar se në atë moment ka përmendur ‘litarin në shtëpinë e të varurit’ dhe e ka mbyllur diskutimin aty për aty.

Po çfarë raporti ka Gjekmarkajt me ‘vendimet në grup’?

Me të drejtë sot deputeti demokrat Gjekmarkajt ka kërkuar që vendimmarrjet për mënyrën sesi duhet të funksionojë partia të merren në grup, por ka ai është në kundërshtim me qëndrimet e tij publike po për këtë model.

Sepse prej ditës z. Gjekmarkaj është angazhuar në një fushatë justifikimi mediatik në favor të vendimit personal dhe antistatutor të Lulzim Bashës për të përjashtuar liderin historik të PD-së Sali Berisha nga grupi parlamentar.

Fakti që Gjekmarkaj e kuptoi veteëm sot se për të folur në PD atij i duhet të marrë leje tek Salianji dhe kjo i rri ngushtë, nuk do të thotë që vetëm kur cënohet integriteti i tij PD duhet të ketë vendimmarrje kolegjiale. Sot ishte vetëm një sprovë e vogël për Gjekmarkajn dhe të tjerët që pranojnë vendimet personale të Lulzim Bashës që vendos për të gjithë, pa pyetur asnjë.

Derisa në krye të PD-së do të jetë Lulzim Basha me vulë në çorap, situata nuk ndryshon. Pas kalimit të Bashës si deputet i thjeshtë në PD, partia do të jetë e lirë që Gjekmarkaj dhe të tjerë të flasin sa të duan dhe madje, madje edhe të votojnë si të duan për të gjithë vendimmarrjen politike të partisë.

Çfarë është ‘lapsusi frojdian’

Lapsusi Frojdian është një shprehje që përdoret për të treguar rastet, kur duke kryer një gabim për të pavullnetshëm në të folur, një person tregon idetë dhe qëllimet e tij reale. Është falë Sigmund Frojd studimet e para të lapsuseve, i cili i trajtonte ato si një rrëfim i pavullnetshëm i një konflikti të brendshëm, të një mendimi të mbajtur të fshehur edhe ndaj vetes apo qoftë edhe një merak edhe i brendshëm sado i papëlqyeshëm.