Andi Bushati nuk i ka ndaluar sulmet dhe ironitë ndaj Lulzim Bashës.

Edhe pas mbledhjes së sotme të kryesisë, Bushati ka ironizuar Bashën në lidhje me deklaratën se baza e PD-së është anti amerikane.

‘E kuptuat tani pse i binin daulleve të proamerikanizmit këta bashistët? Që të dilte shefi e të thoshte se nuk ka më votim demokratik në PD’, shkruan Andi Bushati në faqen e tij në Facebook.

Më herët gjatë ditës së sotme, kreu i PD-së është shprehur në mbledhjen e kryesisë se nuk kishte në plan të mblidhe një kongres anti-Amerikan, pasi sipas tij baza e PD-së që mbështet Sali Berishën është anti amerikane.

Pas këtyre deklaratave reagimet kanë qenë të shumta.

Në një reagim të pasdites nga zyra për mediat e PD, thuhet se Basha nuk kishte thënë këto fjalë.