Mbrëmjen e 2 korrikut 1990,  Ylli Bodinaku çau murin e Ambasadës gjermane me Skodën e tij

Mbrëmjen e 2 korrikut 1990, Ylli Bodinaku çau murin e Ambasadës gjermane me Skodën e tij

11:54, 02/07/2020

2 korriku 1990, cilësuar si eksodi i shqiptarëve, shënoi një kthesë vedimtare në historinë e Shqipërisë.

Në mbrëmjen e 2 korrikut 1990, i riu Ylli Bodinaku çau përmes murit të Ambasadës Gjermane në Shqipëri me kamionin e tij tip “Skoda”. Në kamionin e tij ndodheshin gruaja dhe fëmijët së bashku me gjithsej 36 persona shokë dhe miq të tij në pjesën e pasme të kamionit.

Dhjetëra të tjerë vërshuan pas tij në ambasadë, përmes murit që ai rrëzoi. Ky lajm u raportua dhe në mediat e huaja në Bon të Gjermanisë, ku personat e parë që hynë në ambasadën gjermane në Shqipëri u cilësuan si heronj të demokracisë shqiptare, njoftoi Muzeu Kombëtar "Shtepia me Gjethe".

Ambasadori gjerman i asaj kohe, Werner Daum, hapi dyert e ambasadës në korrik të vitit 1990, e u tha punonjësve të tij që para se të largoheshin, të linin dritat ndezur, e derën e ambasadës hapur. Më shumë se 3000 vetë qëndruan në ambasadën gjermane, në kushte tejet të vështira pas ndërprerjes së ujit dhe furnizimeve me ushqime, në pritje të reagimit dhe vendimit qe do të merrte regjimi komunist.

Më pas mijëra shqiptarë, të cilët duke mposhtur frikën e një diktature 45- vjecare u nisën nga qytete të ndryshme të Shqipërisë së bashku me fëmijët e tyre, vërshuan drejt ambasadave të huaja pa qenë të vetëdijshëm se ky hap do të ndikonte në rrjedhën e ngjarjeve të mëvonshme në vendin tonë.

Lajmi i dyndjes së njerëzve në ambasada nuk u raportua që në fillim po pas rritjes së numrit të tyre në rritme të larta, nuk mbetej vecse raportimi i këtij lajmi, ku ata që ishin në brendësi të ambasadave u cilësuan si kriminelë.

Data 2 korrik 1990 shënoi një nga momentet më të rëndësishme të një procesi që zgjati deri në muajin dhjetor 1990, kur dhe filluan demonstratat e studentëve që sollën dhe ardhjen e pluralizmit në Shqipëri. Dokumentet e shumta të Ministrisë së Punëve të Brendshme dhe të Komitetit Qendror, dëshmojnë se forcat e policisë dhe strukturat e Sigurimit kishin dështuar, në përpjekjet e tyre për ti parandaluar dhe frenuar këto ngjarje që lajmëronin rrëzimin e plotë të regjimit.

Eksodi i madh i shqiptarëve i dha goditjen përfundimtare regjimit të egër komunist duke bërë të mundur kështu ndryshimin e shumëpritur dhe ardhjen e lirisë.

© SYRI.net

Lexo edhe:

Komentet

Shto koment

Denonco