Do të duhej të kishte përfunduar në 31 maj, por Edi Rama vendosi të bllokonte marrëveshje për përfundimin e Reformës Zgjedhore, duke urdhëruar Damian Gjiknurin që të mos pranonte asnjë propozim të opozitës, për të cilët më parë ishte dhënë dakordësia.

Edhe pse me ndërhyrjen e fuqishme ndërkombëtare, Rama u arratis nga Shqipëria, për të gjetur alibinë e pengimit të marrëveshjes për reformën zgjedhore.

Pas pengesave të mazhorancës, opozita ka këmbëngulur sërish për të përfunduar reformën zgjedhore.

Një ditë më parë, dy përfaqësuesit e opozitës në Këshillin Politik, Oerd Bylykbashi dhe Petrit Vasili i dërguan një letër mazhorancës ku i kërkojnë që të takohen ditën e sotme në orën 17:00.

‘Përshëndetje

Në vijim të diskutimeve të deritanishme dhe faktit që mbledhja e datës 31 maj 2020 nuk u zhvillua, me synim gjetjen e konsensusit për ccështjet  e përcaktuara në axhendën e Këshillit Politik, propozojmë mbledhjen e Keshillit nesër, datë 2 qershor 2020, në ora 17.00.

Përfaqësuesit e Opozitës

Oerd Bylykbashi

Petrit Vasili’, thuhej në letrën e dërguar dje.

E që nga mbrëmja e djeshme e deri më tani nga mazhoranca nuk ka asnjë përgjigje në lidhje me kërkesën për tu mbledhur sot.

Edi Rama doli për më shumë se 2 orë live ne ekrane dhe nuk dha një përgjigje nëse do të lejonte që mazhoranca të ulej sot në tryezë më opozitën për të përfunduar reformën zgjedhore e duke mbajtur peng dhe këtë reformë që është një nga kushtet e BE-së dhe Gjermanisë për të nisur diskutimet e negociatave.