Mijëra qytetarë nga gjithë vendi i janë bashkuar ditën e sotme tubimit të thirrur nga presidenti Ilir Meta që do të zhvillohet në Bulevardin Dëshmorët e Kombit.

Ndërkohë për mikrofonin e Fax News një nga qytetarët shprehet se është ndaluar nga policia se pse mbante flamur shqiptar, ndërkohë që shtoi se ishte aty i pranishëm për të Ilir Metën dhe Monika Kryemadhin.

“Unë vij nga Tropoja. Kam ardhur për arsye të mia politike unë jam me Ilir Metën dhe Monika Kryemadhin dhe nuk jam me Edi Ramën. Me tha polici pse ke marrë flamurin shqiptar. Polici mua më ka ofenduar shumë rëndë.”- tha Ndok Hajdari.

Ndërkohë një studente cila i është bashkuar tubimit të Metës shprehet se kërkon që të ulen tarifat e studimit.

“Unë kam ardhur për uljen e tarfiave, të mbrojmë të drejtat që na kanë thënë. Duam të drejtat e çdo individid. Jemi këtu për të drejtat tona.”- u shpreh studentja.

Për tubimin e thërritur nga presidenti Meta janë nisur dhjetra qytetarë dhe nga rrethet, ku nuk kanë munguar as përplasjet dhe kontrollet e shtuara me policinë.

Ndërkohë është mësuar se Ledio Bianku do të jetë personaliteti i parë që do të flasë në manifestimin e thirrur nga Meta, që po realizohet në mbrotje të kushtetutës, kundër “grushtit të shtetit” siç ka cilësuar presidenti mazhorancën.

Ledio Bianku është personalitet i njohur i së Drejtës Ndërkombëtare dhe ish-anëtar i Komisionit të Venecias.

Tubimit të Metës pritet t’i bashkohen të gjithë eksponentët e opozitës, edhe pse në tubim nuk parashikohet që të ketë fjalime politike, pasi simbolet dominuese janë ato kuqezi.

Në podium përveç Metës pritet të ngjiten dhe patriotë shqiptarë, avokatë dhe njerëz të së drejtës, ndërkohë që mjaft personazhe publike kanë deklaruar publikisht pjesëmarrjen në këtë takim.

Në shesh është vendosur dhe tavolina ku presidenti firmos zakonisht dekretet e tij, por mbetet ende e paqartë se cila do të jetë lëvizja e Metës gjatë ditës së sotme.

Pak kohë më parë ai shprehej se qytetarëve duhej t’i rikthehej e drejta e Referendumit, por nuk dihet nëse do të ketë sot një iniciativë të tillë.

Rreth 1000 efektivë të FNSH-së, Policisë dhe gardës do të zbresin sot në terren për të garantuar rendin dhe qetësinë gjatë manifestimit, ndërkohë që vetë presidenca ka angazhuar rreth 3 mijë persona që do të vendosin në krah shiritët kuqezi dhe do të garantojnë që gjithçka të jetë paqësore.