Përmes një postimi në rrjetet sociale, ish kryeministri Sali Berisha kujton 9-vjetorin e vendimit të Gjykatës Ndërkombëtare të Hagës, e cila e njohu si të ligjshme shpalljen e pavarësisë së Kosovës më 17 shkurt 2008.

Sipas Berishës, ky ishte një vendim historik, që mund të quhet ditëlindja e dytë e Pavarësisë.

Postimi i plotë i Sali Berishës:

Një vendim historik per Pavaresinë e Kosovës!

Te dashur miq, sot 9 vjet me pare me 22 korrik te vitit 2010 Gjykata Nderkombetare e OKB pasi gjykoi shpalli vendimin e saj historik per Kosoven, qytetaret e saj, kombin shqiptar dhe rajonin. Ne vendimin e saj te dates 22 Korrik te vitit 2010 kjo Gjykate deklaroi se Pavaresia e Kosoves eshte plotesisht ne perputhje me ligjin dhe te drejten nderkombetare. Ajo hodhi poshte njehere e pergjithmone cdo pretendim serbomadh te Serbise si pale paditese dhe aleateve te saj se Pavaresia e Kosoves ka shkelur ligjin dhe te drejten nderkombetare.

Ky vendim per kah rendesia e tij ishte si nje ditelindje e dyte e bukur e Pavaresise por dhe sovranitetit, integritetit territorial te Kosoves se Pavarur. Sot pas 9 vitesh Kosova ka kapur horizonte te reja reputacioni dhe zhvillimi qe deshmojne se meritonte plotesisht vendimin historik te GJND. Por nuk mund te mohohet se megjithe verdiktin e GJND, Beogradi ka mbetur ne zuzar siç ka qene dhe vazhdon te sillet si shtet zuzar ndaj fqinjit te vet, Kosoves se lire dhe te pavarur si 9 vite me pare, duke deshmuar se ai nuk njeh ligjin nderkombetar as vendimin e gjykates te ciles vet iu drejtua, per çka meriton nje ndeshkim mesimdhenes te vertet.

Beogradi jo vetem refuzon njohjen e pavaresise se Kosoves qe perputhet plotesisht me Karten e OKB por i ndihmuar nga Kali i Trojes, trojka famzeze Zografi Bis, Miladini shqipfoles dhe Baton Stanishiqi perpiqet te aneksoje territore te tera te Kosoves, te çbeje pavaresine e saj dhe per llogari te Serbise se Madhe te ndaje Kosoven midis Serbise dhe Shqiperise. Keto plane luftenxitese dhe destabilizuese per Kosoven deshtuan me turp ne Berlin dhe nuk do kene kurre sukses.

Ndaj dhe sot miq le te shpreim ne nje urime per Kosoven dhe qytetaret e saj suksese gjithnje e me te medha ne rrugen e integrimit te saj ne NATO dhe BE dhe nje mirenjohje te thelle per GJND dhe te gjithe ata qe kontribuan ne kete vendim historik. sb