Lajmi i fundit

Analiza e institutit të njohur amerikan: Rama është Erdogani i ri, po përdor drejtësinë për të goditur opozitën

Të zgjedhurit e 30 qershorit do zenë zyrat? Kryemadhi: Sa gjëra do ndodhin deri më 12 gusht...

Të zgjedhurit e 30 qershorit do zenë zyrat? Kryemadhi: Sa gjëra do ndodhin deri më 12 gusht...

23:06, 01/07/2019
A+ Aa A-

Kryetarja e LSI, në një lidhje direkte për emisionin "Opinion", nuk dha një opsion se çfarë do të bëjë opozita nëse të zgjedhurit e 30 qershorit do të zënë zyrat në bashkitë e vendit.

Sipas saj, deri në 12 gusht ka shumë kohë përpara.

“Aksioni do të jetë hap pas hapi, këtë javë është konsultimi ynë me partitë aleate. Do vazhdojmë gjithë procesin që do vijë në mënyrë të njëpasnjëshme. Nuk është problemi aty, tek zënia e zyrave, ata nuk do të shkojnë në zyrë asnjëherë. E di sa gjëra do ndodhin deri në 12 gusht”, deklaroi Monika Kryemadhi.

Kryetarja e LSI shtoi se, në 30 qershor nuk kishte zgjedhje, por vetëm votime dhe ndaj opozita nuk ndërhyri. Kryemadhi tha se edhe OSBE/ OHDIR deklaroi qartë se në 30 qershor nuk kishte zgjedhje, por vetëm votime.

Sa i përket deklaratës së zëdhënëses së Komisionit Evropian, Koçijançiç, Kryemadhi u shpreh: "Zonja që ka bërë deklaratën nuk e ka shkruar vetë, ia kanë shkruar të tjerët. Zonja nuk e ka të qartë që faktikisht ka një ngërç shumë të madh në atë që thotë. Ajo thotë të shkojnë në zyrë, kush të shkojnë në zyrë. Po kush?".

Sipas Kryemadhit, zgjedhje do të ketë në 13 tetor, pasi dekretin e Presidentit nuk e gjykon dot tjetër gjykatë, vetëm ajo Kushtetuese siç e theksoi edhe raporti i OSBE/ OHDIR.

© SYRI.net

Lexo edhe:

Komentet

Shto koment

Denonco