kryetarja e lSI, Monika Kryemadhi, sapo ka publikuar nga Tepelena, fotot e takimit që pati me strukturat e LSI dhe ku u shpreh: Tashmë që zgjedhjet e parakohshme janë shumë pranë, duhet të ndezim motorët e fushatës. LSI forcën reale e ka te njerëzit dhe jo te emrat e përveçëm.

Gjendja ekonomike e vendit është e mjerë, pasi taksat rriten, të ardhurat për familjen shqiptare ulen dhe papunësia është rritur për shkak të paaftësisë dhe korrupsionit qeveritar. 

Rinia duhet të gjenerojë energji në Shqipëri, jo të marrë rrugët e emigrimit. Fermerët dhe blegtorët janë në qendër të programit të LSI. LSI është parti e fjalës së mbajtur.  Duhet të punojmë që shqiptarët të bëjnë Shqipërinë shtëpinë e tyre," ka theksuar në fund Kryemadhi.