Reshjet shiut ia lanë vendin dëborës, e për pasojë ka sjellë probleme në qarkun e Kukësit.

Mësohet se në disa shkolla të këtij qarku nuk po zhvillohet mësim.

Më konkretisht, mësimi nuk zhvillohet sot në shkollat e Topojanit, Shishtavecit dhe Orgjostit, për shkak të bllokimit dhe ngricave në rrugë, si dhe distancave të largëta ndërmjet shkollave dhe vendbanimeve.

Nga ZVAP Kukës bëhet e ditur se veç shkollave të mësipërme, procesi mësimor në shkollat e tjera të Bashkisë Kukës po zhvillohet normalisht dhe klasat janë të pajisura me ngrohje.