Një aksident i rëndë automobilistik është regjistruar këtë të enjte në segmentin rrugor Shupenz–Maqellarë, ku janë përplasur tre mjete. Sipas informacioneve , një prej automjeteve, me targa bullgare, udhëtonte drejt Tiranës me një familje.

Korrespondenti i SYRI  bën te ditur se mjetet janë përplasur kokë më kokë, ndërsa si pasojë e aksidentit është plagosur drejtuesi i një automjeti tip Audi, i cili është transportuar me urgjencë në spitalin e Bulqizës dhe ndodhet në gjendje të rëndë shëndetësore.

Në vendngjarje ka mbërritur policia, e cila po kryen veprimet hetimore për të zbardhur shkaqet dhe rrethanat e aksidentit.