EMRI/ I dënuar me 16 vjet burg për vjedhje me armë, ekstradohet nga Greqia 39-vjeçari

Një 39-vjeçar është ekstraduar nga Greqia, pasi ishte shpallur në kërkim ndërkombëtar për vjedhje me armë, kryer në bashkëpunim.

Gjykata e Shkodrës e kishte dënuar Eduard Vushajn më 2016,  pasi në vitin 2013, rezulton se në fshatin Grabom, 39-vjeçari, në bashkëpunim me një shtetas tjetër, ka ndaluar automjetin me të cilin lëviznin 2 shtetas, të cilëve, duke i kanosur me armë, iu kanë marrë paratë dhe automjetin.

Gjithashtu ka rezultuar se  Vushaj, i ka plagosur të dy personat që ka vjedhur, me mjet prerës thikë.

Njoftim

Ekstradohet nga Greqia, një shtetas i dënuar me 16 vjet burgim, për vjedhje me armë, kryer në bashkëpunim.

Si rezultat i bashkëpunimit të ngushtë ndërmjet strukturave të Interpol Tiranës dhe strukturave të Interpol Athinës, u finalizua procedura për ekstradimin nga Greqia, në Shqipëri, të shtetasit Eduard Vushaj, 39 vjeç, të lindur në Shkodër.

Ky shtetas kërkohej ndërkombëtarisht, sepse në vitin 2016, Gjykata e Shkodrës e ka dënuar me 16 vjet burgim, për veprën penale “Vjedhja me armë”.

Në vitin 2013, në fshatin Grabom, ky shtetas, në bashkëpunim me një shtetas tjetër, ka ndaluar automjetin me të cilin lëviznin 2 shtetas, të cilëve, duke i kanosur me armë, iu kanë marrë paratë dhe automjetin. Gjithashtu, i ka plagosur të dy, me mjet prerës (thikë).