Trupi i një 40-vjeçari i mbytur para dy muajsh në zonën e Porto Romanos dhe i zhdukur është gjetur në brigjet e Kroacisë.

Aurel Ndoni, po peshkonte kur ra në ujë rreth dy muaj më parë.

Ndoni ishte duke peshkuar së bashku me të vëllanë dhe një person tjetër, dhe dyshohet se ka rrëshqitur duke rënë në ujë, por nuk ka mundur të dalë nga deti pasi është tërhequr nga rryma.

Trupi i Ndonit u kërkua nga polumbarët e RENEA për disa ditë me rradhë, por nuk mundën ta gjenin.