Policia e Kosovës ka sekuestruar sërish armë dhe municion në fshatin Prelluzhë të Vushtrisë. Prelluzha është fshati i banuar nga serbët.

Autoritetet bëjnë me dije se njoftimi ka ardhur nga një qytetar i cili ka gjetur në mbeturinë një armë zjarri dhe mjete shpërthyese. Pas këtij informacioni, policia ka vijuar kontrollet dhe ka sekuestruar armë të tjera dhe municione.

“Njësitë relevante policore kanë dalë në vendin e ngjarjes në të cilin janë gjetur: një pushkë automatike AK-47, një pushkë gjysmë automatike, tre karikatorë, 360 fishekë të kalibrit 7.62 mm, 4 granata dore dhe një tromblon. Në vendin e ngjarjes kanë dalë edhe njësitë relevante të FSK-së dhe KFOR-it”, thuhet në njoftim.