Policia e Kavajës ka vënë në pranga 3 punëtorë të cilët u kapën në flagrancë duke kryer punime ndërtimi, pa lejen e organeve kompetente, në një banesë trekatëshe në fshatin Qerret.

Gjithashtu në pranga ka rënë dhe pronari i banesës ku po kryheshin punimet e paligjshme

Njoftimi i policisë:

U kapën në flagrancë duke kryer punime ndërtimi, pa lejen e organeve kompetente, në një banesë trekatëshe, vihen në pranga 3 shtetas.

Vihet në pranga edhe pronari i banesës ku po kryheshin punimet e paligjshme.

Si rezultat i kontrolleve që po kryhen 24/7, me qëllim parandalimin dhe goditjen e rasteve të ndërtimeve pa leje, veçanërisht në zonat urbane dhe në ato bregdetare, shërbimet e Komisariatit të Policisë Kavajë, të mbështetura nga informacionet e inteligjencës policore, evidentuan 1 rast të kësaj paligjshmërie, në fshatin Qerret.

Në vijim të veprimeve procedurale për këtë rast, u arrestuan shtetasit: R. K., 59 vjeç, banues në Maminas, S. Ç., 49 vjeç, banues në Shijak, dhe B. Ç., 41 vjeç, banues në Durrës, pasi u kapën në flagrancë duke kryer punime ndërtimi, pa lejen e organeve kompetente, në një banesë trekatëse në fshatin Qerret; M. M., 64 vjeç, banues në Tiranë, pronari i banesës ku po kryheshin punimet e paligjshme.

Vijojnë kontrollet dhe verifikimet për të konstatuar dhe goditur raste të tjera të ndërtimeve të paligjshme, si dhe të krimeve të tjera kundër mjedisit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.