Në prangat e policisë ka rënë një 34 vjeçar në Korçë pasi theu në mënyrë të përsëritur masën e sigurisë ‘Arrest në shtëpi’.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Njoftimi i policisë/ Korçë

Theu në mënyrë të përsëritur, masën e sigurisë "Arrest në shtëpi", të caktuar nga Gjykata, vihet në pranga 34-vjeçari.

Specialistët për Hetimin e Krimeve të Komisariatit të Policisë Korçë arrestuan në flagrancë shtetasin A. L., 34 vjeç, banues në Korçë, pasi ka dalë jashtë banesës së tij, në kundërshtim me vendimin e Gjykatës së Apelit Korçë, e cila i kishte caktuar masën e sigurisë "Arrest në shtëpi", për veprën penale "Largimi i të burgosurit nga vendi i qëndrimit".

-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasin A. A., 37 vjeç, banues në Pogradec, pasi në afërsi të fshatit Vërdovë, Pogradec, është konstatuar me një armë gjahu çifte, pa lejen përkatëse, e cila iu sekuestrua në cilësinë e provës materiale.

-Specialistët për Hetimin e Krimeve të Komisariatit të Policisë Kolonjë referuan materialet në Prokurori ku filloi procedimi në gjendje të lirë për shtetasin S. K., banues në  fshatin Barmash, Kolonjë, pasi dyshohet se me vetëgjyqësi ka rrethuar me mur guri, një sipërfaqe toke në pronësi të një shtetasi tjetër.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.